寻晚大家见唔见到希腊神话中代表战神慨火星、爱神慨金星同埋狩猎女神慨月亮喺黄昏西边天空聚集呢？错过咗唔紧要，小编贴返寻晚野生捕获渠哋慨相俾大家睇吓啦！

寻晚冇睇到都唔洗失望，今晚月亮虽然走开咗，但金星同火星就比寻晚行近咗喎。有人话「女人嚟自金星，男人嚟自火星」，金星同火星近排愈行愈埋，今日仲最接近添。唔知系咪冇咗月亮呢个「第三者」阻住晒，渠哋终于可以享受吓「二人世界」……一晚咁多啦！

如果天气许可，今晚各位大概8点前后望去西边低空，就有机会见到好光亮慨金星同喺渠左边比较暗淡慨火星啦。如果用双筒望远镜睇仲会更加容易见到。

大家打完卡，欢迎喺下方留言位置分享照片呀！