太阳系慨行星和卫星都有自己慨轨道，似乎系井然有序慨。但原来除咗我地慨人造卫星同太空垃圾之外，仲有嘢有机会同地球相撞？

讲紧慨系潜在危险天体，渠哋系一啲轨道同地球重叠，可能会撞击地球，而大小足以对地球造成重大损害慨近地小行星或者彗星，当中大部份都系潜在危险小行星。直至2021年8月，已知慨潜在危险小行星有超过2,200颗。

小行星撞击地球会有咩后果？渠哋撞击地球慨话会损毁土地同家园，造成人命伤亡，严重慨话甚至会令到物种灭绝。地球上以往慨物种大灭绝有啲都同小行星撞击地球有关，例如约6,600万年前大部分恐龙灭绝慨元凶相信系直径十公里慨小行星撞击地球所致。

不过大家唔驶太担心，太阳系入面有「吸尘机」木星，渠强大慨引力吸引咗唔少天体等渠哋唔会撞落地球。如果无咗渠，地球好可能一早就被天体撞碎咗！

但系，危险小行星撞击地球慨情况话唔定今日、听日、十年后或者一万年后（大家好彩的话）发生。例如有一日你身边慨天文专家突然集体失踪，渠地可能系被政府机构捉去研究对策，果阵时你就要……

最近木星就有被天体撞击慨事件，想睇慨话可以去：https://www.youtube.com/watch?v=QCOJ6K8X2nA