近日社会讨论垃圾征费，人人都要正视垃圾问题。原来太空都同样有垃圾过多慨问题。

人类发射上太空慨人造物越嚟越多，渠哋始终有「死亡」慨一日，渠哋系点死呢？完成使命后慨火箭部件、能源用尽或者坏咗慨卫星有两个结局，一喺跌返地球途中喺大气层入面燃烧，唔可以完全被燃烧慨，部分就会跌入位于南太平洋慨「探测器墓地」。二系停留喺太空中慨「墓地轨道」，成为围绕地球转慨太空垃圾。

但系，依家喺太空围住地球转慨大型太空碎片已经超过二万件，数量持续增加，有相撞慨机会。国际太空站同哈勃太空望远镜身上布满「子弹窿」，喺被太空垃圾撞过慨痕迹。如果大型太空垃圾同运作中慨载人飞船或者国际太空站相撞，严重慨话有可能会危及人命。所以，太空垃圾问题不容小觑。

有咩解决办法呢？源头减废系其中一个方法，例如用尽完成任务慨探测器慨燃料，避免渠哋意外爆炸，产生更多太空垃圾。一啲太空机构正研究派「清道夫」仪器将废弃慨探测器推返地球慨大气层或者去墓地轨道，防止渠哋任意飘动，同其他嘢相撞。

太空中慨轨道空间系人类慨共同资源，似乎大嘥鬼要去太空做下宣传！其他太空飞嚟慨垃圾又点呢？