上星期同大家分享过喺太空有唔同卫星轨道，依家就讲吓渠哋慨特别之处啦！

国际太空站围住地球转，近地轨道就系国际太空站慨家。越近地球慨卫星运转速度会越快，例如国际太空站大约每90分钟就会环绕地球转一圈，「一日」得90分钟！由于比较接近地面，卫星能拍摄较高解像度慨地球相片。

我哋成日都用到慨GPS卫星就喺中地球轨道运行，中地球轨道喺近地轨道同地球静止轨道之间，渠同地球慨运动刚好系半同步，即喺每12小时就环绕地球一次。至于位处地球静止轨道慨卫星会用同地球自转一样慨速度运行，相对于地面渠哋会固定，因此接收同发射讯号慨天线唔需要移动就可以传输数据。一啲通讯卫星同气象卫星就喺地球静止轨道运作。

至于比起其他轨道更远离地球慨有拉格朗日点，独特之处在于拉格朗日点慨卫星受天体慨重力互相平衡，可以用最少慨能源就可以维持喺相应轨道。一啲太空望远镜，例如观测太阳慨望远镜，同将会发射慨詹姆斯．韦布太空望远镜就会驻守拉格朗日点。

讲咗咁耐，虽然太空入面慨咁多人造物又有咁多不同轨道，出现相撞情况都唔出奇！被撞散慨人造卫星又会有咩下场呢？想知多啲就请继续留意我哋慨帖文啦！