👦🏻今晚个天几清喎，大犬座、小犬座同猎户座慨亮星组成慨冬季大三角都睇到哂！
👩🏻吓？咩嚟㗎，啲星座名咁陌生慨…我1月尾出世，咁系咪可以睇到属于我个水瓶座？

古时慨人类已经会用想像力将天空上面星罗棋布慨星星串连做星座，并为渠地编织咗神话故事。地球自转加上围绕太阳公转会令到我哋睇上去太阳同背后慨恒星有周而复始慨轨迹。日常所听慨十二星座，就系西方天文学入面88个星座之中，太阳一年间会经过慨星座，亦被称为黄道十二宫，分别系白羊座、金牛座、双子座、巨蟹座、狮子座、处女座、天秤座、天蝎座、射手座、摩羯座、水瓶座同双鱼座，除此之外仲有蛇夫座都会被太阳经过。

你系边个星座视乎你出世嗰时太阳行到去边个星座 ─ 喺占星学起源当时，1月尾慨时候太阳位于水瓶座，因此1月中到2月中出世慨人就属于水瓶座啦。讲多样嘢你知丫，受到岁差慨影响，其实现今21世纪1月尾慨时候太阳已经处于邻近慨摩羯座。渠哋同样被耀眼慨阳光遮掩而睇唔到，因此喺你生日前后系唔会睇到你所属慨星座㗎，如果想睇水瓶座就要等到夏天啦！