尋晚大家見唔見到希臘神話中代表戰神嘅火星、愛神嘅金星同埋狩獵女神嘅月亮喺黃昏西邊天空聚集呢?錯過咗唔緊要,小編貼返尋晚野生捕獲佢哋嘅相俾大家睇吓啦!
尋晚冇睇到都唔洗失望,今晚月亮雖然走開咗,但金星同火星就比尋晚行近咗喎。有人話「女人嚟自金星,男人嚟自火星」,金星同火星近排愈行愈埋,今日仲最接近添。唔知係咪冇咗月亮呢個「第三者」阻住晒,佢哋終於可以享受吓「二人世界」……一晚咁多啦!
如果天氣許可,今晚各位大概8點前後望去西邊低空,就有機會見到好光亮嘅金星同喺佢左邊比較暗淡嘅火星啦。如果用雙筒望遠鏡睇仲會更加容易見到。
大家打完卡,歡迎喺下方留言位置分享照片呀!