太陽系嘅行星和衞星都有自己嘅軌道，似乎係井然有序嘅。但原來除咗我地嘅人造衞星同太空垃圾之外，仲有嘢有機會同地球相撞？

講緊嘅係潛在危險天體，佢哋係一啲軌道同地球重疊，可能會撞擊地球，而大小足以對地球造成重大損害嘅近地小行星或者彗星，當中大部份都係潛在危險小行星。直至2021年8月，已知嘅潛在危險小行星有超過2,200顆。

小行星撞擊地球會有咩後果？佢哋撞擊地球嘅話會損毁土地同家園，造成人命傷亡，嚴重嘅話甚至會令到物種滅絕。地球上以往嘅物種大滅絕有啲都同小行星撞擊地球有關，例如約6,600萬年前大部分恐龍滅絕嘅元兇相信係直徑十公里嘅小行星撞擊地球所致。

不過大家唔駛太擔心，太陽系入面有「吸塵機」木星，佢強大嘅引力吸引咗唔少天體等佢哋唔會撞落地球。如果無咗佢，地球好可能一早就被天體撞碎咗！

但係，危險小行星撞擊地球嘅情況話唔定今日、聽日、十年後或者一萬年後（大家好彩的話）發生。例如有一日你身邊嘅天文專家突然集體失蹤，佢地可能係被政府機構捉去研究對策，果陣時你就要……

最近木星就有被天體撞擊嘅事件，想睇嘅話可以去：https://www.youtube.com/watch?v=QCOJ6K8X2nA