尋晚嘅超級月亮，唔知大家有冇睇到？最近受反氣旋影響，天清氣朗，天上雲層不多，適宜賞月。

比較下今年一月小編實拍全年最細滿月，喺天空上嘅視直徑比尋晚嘅月亮相差約14%，視面積相差有成30%，足足大咗近1/3，分別都幾大㗎。

大家如果今次錯過咗都唔緊要，超級月亮唔係咁罕有，下次就會係出年(2023)嘅8月2日同8月31 日。因為同一個月內兩次月圓，8月31日嗰次就係英文稱之為"blue moon"嘅藍月亮啦。